أسير الليل
عدد المساهمات : 435 نقاط : 6428 السمعة : 0 تاريخ التسجيل : 03/11/2009 العمر : 33
بطاقة الشخصية اسير الليل: 2
| موضوع: الشعب المصري ولا اروع من هيك شعب الخميس نوفمبر 05, 2009 9:44 pm | |
| عارفة انى اتأخرت جدا فى الكتابة عن الانجاز العظيم الغير مسبوق اللى رفع اسم مصر عاليا واللى هيخلى مصر باذن الله من الدول المتقدمة. الانتصار الكبير اللى حققه ابطال مصر (المنتخب المصرى لكرة القدم) بحصولهم على كأس الامم الافريقة ومش اى كأس للمرة التانية على التوالى حد عمل كده؟ هما دول المصريين اللى بيبانوا فى وقت الشدة. شوفتوا الجماهير الغفيرة شباب وبنات وستات ورجاله واطفال كلهم خصصوا جهودهم وصوتهم والوانهم واعلامهم للدفاع اقصد تشجيع المنتخب المصري. وطبعا الناس بتشجعه لانه لما ياخد البطولة كل حاجة هتتصلح مصر هتبقى من الدول المتقدمه وهتنتهى كل مشاكلنا,الشباب العاطل-لامؤاخذة-هيشتغل والتعليم هيتطور والصحة هتتحسن والمرتبات هتبقى عشر اضعاف ومش بعيد نسلف امريكا كمان. ونعملها معونة زى مابتذلنا بالمعونة بتاعتها ونجيب بوش كده يبوس ايد كل مواطن مصرى وفى الاخر مش هنديله مليم. انا بقى اليوم ده وقفت كل حياتى لاأكلت ولانمت ,كنت بس بصلى وبدعى للابطال يرجعوا بالنصر والكأس لمصر. ياجماعه ده يوم تاريخى بجد, يعنى الريس لما كان ييجى كده وينور التليفزيون ويقول كلمتين حلوين كده من بتوعه(اجيبلكم منين؟انتوا فالحين بس فى الخلفة؟اصرف عليكم من جيبى يعنى؟ ده الواد جمال ابنى قالى يابابا نفسى اغير العربية بتاعتى اقوله ازاى تغيرها وشعبى الغالى ماشى حافى وييجى الواد حفيدى يقولى عايز شوكولاتة ياجدو اقوله اتلم تاكل شوكولاتة والشعب جعان؟ انا بقطع من لحمى الحى عشانكم والموقف اللى بيحز فى نفسيتى اوى لما جاتلى سوزان تقولى حسنى عايزة اغير الباروكة قولتلها لا تغيرى الباروكة والشعب زلبطة ؟) وفجاة طلعت الملايين للابطال بتوع المنتخب وطبعا كل الادرايين نابهم من الحب جانب واهى نفحة من نفحات مبارك اللى من شوية كان بيشحت علينا ومش لاقى يأكلنا ,اهى الفلوس طلعت. افتكرت كلام الفنان المحترم الكبير(محمد صبحى) لما قال احنا عاملين زى الراجل اللى عمل زيطة وزمبليطة لابنه عشان سقط فى الحساب والعربى والتاريخ وكل المواد ونجح فى الالعاب. بس ماتنسوش الالعاب مش بتضاف للمجموع يااخوانا. طولت عليكم معلش بس من فرحتى هختم بجزء من اغنية لفنانى المفضل (على الحجار) اسم الاغنية(يامصرى) ومهولاتى تحب تزيط ساعة الفرح زغاريط تنطيط وفى المياتم هات ياصويت وفى المظاهرات سخن تشيط وفى الانتخاب تنسى التصويت يا مصر ليه؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ دنياك لخابيط والغلب محيط
| |
|
اسيرة الليل الهادئ مشرفة
عدد المساهمات : 469 نقاط : 3792 السمعة : 0 تاريخ التسجيل : 27/08/2010
| موضوع: رد: الشعب المصري ولا اروع من هيك شعب السبت أغسطس 28, 2010 2:03 pm | |
| شكرا الك على المووضوع تقبل مروري | |
|
أميرة بكلمتي
عدد المساهمات : 706 نقاط : 4969 السمعة : 0 تاريخ التسجيل : 28/08/2010 العمر : 34
بطاقة الشخصية اسير الليل: 2
| موضوع: رد: الشعب المصري ولا اروع من هيك شعب الأحد أغسطس 29, 2010 8:47 pm | |
| شكرا وبارك الله فيك لك مني اجمل تحية | |
|